Ph.D. Candidate

Erëza Mehmeti

Erëza Mehmeti ka ndjekur studimet në Universitetin e Prishtinës “Hasan Prishtina” në drejtimin Gjuhë dhe Letërsi Angleze, ndërsa ka përfunduar studimet master në programin “Linguistikë e Aplikuar me TESOL” në University of Sheffield – International Faculty, CITY College. Aktualisht, është kandidate për doktoratë në programin “Teacher Education and Educational Science” në Universitetin e Ljubljanës.

Përvoja e saj profesionale përfshin angazhime të shumta në arsimin e lartë dhe në menaxhimin e projekteve ndërkombëtare. Që nga viti 2022, ajo është pjesë e Kolegjit AAB, ku mban pozitën e Zyrtares së Projekteve dhe ligjëron lëndë si: Metodat e Kërkimit në Arsim dhe Gjuhë Angleze për Qëllime Specifike.

Ajo ka përvojë të gjerë edhe në koordinimin e marrëdhënieve ndërkombëtare, duke menaxhuar partneritete, mobilitete Erasmus+, shkolla verore dhe konferenca në institucionet ku ka punuar, përfshirë  Kolegjin AAB,  Universum dhe UBT.

Përvoja profesionale përfshin gjithashtu:

• Mësimdhënëse e gjuhës angleze në The Cambridge School (2019–2020), ku ka ligjëruar për nivelet A1 – C2 dhe përgatitur studentë për TOEFL;
• Trajnere në temat “Mësimdhënia e Anglishtes për Nxënës të Rinj” dhe “Mendimi Kritik dhe Edukimi Medial” në organizatën KETNET;
• Koordinatore në Zyrën Ndërkombëtare në UNIVERSUM dhe UBT, me përgjegjësi për promovimin e aktiviteteve ndërkombëtare, menaxhimin e partneriteteve dhe organizimin e mobiliteteve të stafit dhe studentëve.

Përveç doktoratës, ajo ka ndjekur edhe një sërë trajnimesh profesionale, duke përfshirë:

• Trajnime për Kulturën Organizative dhe Lidershipin, dhe për Metodologjinë e Mësimdhënies në Arsimin e Lartë (Kolegji AAB, 2021);
• EFQM Certified Foundation Training nga Ludwig Erhard Preis dhe EFQM (2021);
• Trajnime ndërkombëtare për zhvillimin profesional të mësimdhënësve, si “Integrimi i Mendimit Kritik në Kulturë në Kontekstin EFL” (AE E-Teacher Program) dhe “Krijimi i Materialeve ELT” nga iTDi.

Ajo zotëron aftësi të avancuara në komunikim, menaxhim kohe, zgjidhje të problemeve dhe punë ekipore. Flet rrjedhshëm anglisht dhe zotëron njohuri të gjera në hartimin dhe zbatimin e projekteve ndërkombëtare.

Aktiviteti shkencor i saj është përqendruar në fushën e gjuhës angleze, mësimdhënies, shkrimit akademik dhe mendimit kritik. Disa nga punimet përfshijnë:

• Mehmeti, Erëza. (2020). Contrastive Analysis Hypothesis Vs. Error Analysis.
• Mehmeti, Erëza. (2019). The Portrayal of Teenagers in British and American Newspapers; a Corpus-Based Study.

Përveç aktiviteteve akademike dhe mësimdhënies, Erëza Mehmeti ka përfaqësuar Kolegjin AAB dhe institucionet paraprake ku ka punuar në javë të ndryshme ndërkombëtare në vende si Lituania, Letonia, Franca, Çekia, Kroacia, si dhe në vende të tjera evropiane, me qëllim të ndarjes së përvojave më të mira në fushën e ndërkombëtarizimit dhe projekteve ndërkombëtare në arsimin e lartë. Këto përvoja kanë ndihmuar në forcimin e bashkëpunimeve ndërinstitucionale, përgatitjen e projekteve të përbashkëta dhe avancimin e objektivave strategjike të ndërkombëtarizimit të institucionit.