Ass. Gjylije Sherifi ka lindur më 25 shkurt 1971 në Ballaban, komuna e Prishtinës, ku përfundoi shkollimin fillor në shkollën “Zenel Hajdini” dhe shkollën e mesme të mjekësisë “Ali Sokoli” në vitin 1990.
Në vitin 1997 diplomoi në Fakultetin Filologjik të Universitetit të Prishtinës në drejtimin “Letërsi dhe gjuhë shqipe”.
Në vitin 2019 përfundoi studimet postdiplomike në Kolegjin AAB në Prishtinë, në drejtimin “Menaxhment Shëndetësor” ku fitoi titullin Master of Arts (MA).
Nga viti 2001 deri në 2003 mori titullin “Trajnere e Mjekësisë Familjare”, duke u certifikuar ndër trajneret e para në Kosovë në kuadër të programit Training of Trainers’ Course for Family Nurse Trainers.
Në vitin 2023 përfundoi studimet Bachelor në Kolegjin UBT dhe fitoi titullin Bachelor i Shkencave në Infermieri.
Përvoja e saj profesionale fillon në Shoqatën Humanitare “Nënë Tereza” në Poliklinikën Shëndetësore, Prishtinë, më 30.03.1992 si infermiere. Vazhdon me angazhim në programin e UNICEF për vaksinimin e fëmijëve në vitin 1996, në bashkëpunim me IKSHPK.
Në vitin 1997 është punësuar në QKMF, Prishtinë, ku ka ushtruar profesionin e infermieres. Gjatë angazhimit në QKMF, ka punuar në njësinë e Patronazhës, Pediatrisë, Mjekësisë së Punës, si dhe ka menaxhuar njësinë e Mjekësisë Familjare.
Aktualisht, ajo punon si infermiere në njësinë e Pediatrisë.
Që nga viti akademik 2019/2020, Ass. Gjylije Sherifi është pjesë e stafit jo të rregullt në Kolegjin AAB, ku mban ushtrimet praktike në laborator për studentët e vitit të parë në lëndën “Bazat e Infermierisë”, dhe për vitin e dytë në lëndën “Ndihma urgjente dhe kujdesi shëndetësor në rrethana të veçanta”.
Ka marrë pjesë në disa konferenca ndërkombëtare dhe ka prezantuar hulumtimin “Qëndrimet e pacientëve me diabet tipi 2 rreth modifikimit të stilit të jetës”. Link
Që nga viti 2023, Ass. Sherifi është anëtare e Këshillit Mbikëqyrës në OIK
Ass. Gjylije Sherifi jeton në Prishtinë, Rr. Kukësi.
