PhD. Candidat.

Mimoza Kamberi

Prodekane

Mimoza Kamberi u lind në Prishtinë më 1982. Studimet universitare, bachelor dhe master i kreu në Fakultetin e Psikologjisë në Universitetin e Prishtinës “Hasan Prishtina”, ndërsa studimet e doktoratës është duke i ndjekur në të njëjtin universitet, në Fakultetin e Edukimit, programi: Mësimdhënia dhe të mësuarit, profili: Psikologji Edukimi.

Nga viti 2003 deri 2006 ka kryer praktikë në disa qendra në Prishtinë: Qendra Psikiatrike për Adoleshentë dhe Fëmijë (QKUK), Qendra e Shëndetit Mendor, Institucioni parashkollor “Gëzimi ynë”. Gjatë kësaj periudhe në kuadër të intershipit ishte edhe hulumtuese në projektin “Don Bosko and the Youth”.

Nga viti 2015, punon në Fakultetin e Psikologjisë në AAB; ligjëruese dhe përgjegjëse për sigurim të cilësisë dhe mentorim të studentëve.

Ka marrë pjesë në disa vizita studimore; në Universitetin e Salzburgt- Austri, Universitetin Cork- Ireland, Universitetin e Edinburghut– Skotland, përmes projektit Tempus “Encouraging the process of curriculum development based on learning outcomes and research guided teaching in the private higher education institutions of Kosova (2013 – 2014)”.

Po ashtu ka marrë pjesë edhe në disa simpoziume, konferenca shkencore vendore dhe rajonale. Në konferencën ndërkombëtare “Sfidat e zhvillimit në një shoqëri që ndryshon: Gjetje nga studime me adoleshentë dhe të rinj”, si bashkautore ka prezantuar punimin shkencor: “Prevalenca dhe parashikuesit socioekonomik të simptomave të ankthit te studentët e kolegjeve në Kosovë” (2017).

 

Ligjëron lëndët:

Psikologji edukimi

Zhvillimi i hershëm i fëmijës

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19