Studentët e Fakultetit Ekonomik të Kolegjit AAB kanë vizituar kompaninë “IPKO Telecommunications”, pasi janë ftuar për t’u njohur me vendet e lira për praktikë dhe punësim.

Kjo vizitë u realizua në bashkëpunim me Qendrën për Karrierë të Kolegjit AAB, ndërsa studentët u shoqëruan nga profesoresha Etleva Namligjiu dhe koordinatorja e qendrës Jehona Rukovci.

Studentët u njoftuan me strategjitë e menaxhimit të talenteve, procedurave të rekrutimit dhe pozitat e hapura për praktikë në këtë kompani.

Përfaqësuesit e “IPKO Telecommunications” siguruan studentët se do i mbajnë të informuar për të gjitha mundësitë që ofrojnë përmes Qendrës për Karrierë të Kolegjit AAB.