THIRRJE PËR APLIKIM- Jean Monnet Ambassador Program

Kontribuo me idenë tënde në rrugëtimin evropian të Kosovës

Në kuadër të projektit “Shaping Kosovo’s EU Future: Establishing a Centre of Excellence on European Union’s Integration, Values, Role and Impact” (KO-in-EU), hapet thirrja për aplikim për Jean Monnet Ambassador Program.

Ky program fton studentët e AAB College të aplikojnë individualisht me një projekt-ide, përmes së cilës do të tregojnë se si të rinjtë mund të kontribuojnë në rrugëtimin evropian të Kosovës përmes promovimit të njohurive mbi BE-në, vlerave evropiane, dialogut shoqëror dhe angazhimit qytetar.

Kush mund të aplikojë?

Mund të aplikojnë të gjithë studentët aktivë të Kolegjit AAB, nga të gjitha fushat e studimit.

Çfarë duhet të përmbajë aplikimi?

Aplikimi duhet të përfshijë:

• CV të shkurtër 
• Letër të shkurtër motivimi 
• Projekt-ide individuale 

Çfarë duhet të paraqesë projekt-ideja?

Projekt-ideja duhet të tregojë:

• si e kuptoni rolin e një Jean Monnet Ambassador; 
• si të rinjtë mund të kontribuojnë në rrugëtimin evropian të Kosovës; 
• cilat aktivitete do të propozonit; 
• si do të përfshinit studentët, të rinjtë dhe komunitetin; 
• çfarë ndikimi prisni të arrini. 

Projekt-idetë mund të përfshijnë aktivitete si: debate, sesione informuese, punëtori, evente publike, podkaste studentore, fushata kreative në rrjete sociale dhe iniciativa që promovojnë demokracinë, barazinë, përfshirjen dhe të drejtat e njeriut.

Si do të vlerësohen aplikimet?

Aplikimet do të vlerësohen mbi bazën e:

• qartësisë së idesë; 
• kreativitetit dhe origjinalitetit; 
• realizueshmërisë së aktiviteteve; 
• ndikimit të mundshëm te studentët dhe komuniteti; 
• përputhshmërisë me qëllimet e programit. 

Afati dhe aplikimi

Afati për aplikim: 24.04.2026
Mënyra e aplikimit linku: https://docs.google.com/forms/d/e/1FAIpQLSfViJTG3uyNrs_sgoXHM8MKVKPnwFMil39xNCBjmn2mEda6IQ/viewform?usp=publish-editor