VAJZAT E KAMPIT “WISCI KOSOVO”, PO TRAJNOHEN NGA PËRFAQËSUES TË KOMPANISË “INTEL”

9 Shtator 2019

Përfaqësues të kompanive më të mëdha amerikane: INTEL, NASA, GOOGLE, po vazhdojnë të trajnojnë 100 vajzat e kampit veror ndërkombëtar “Women in Sience”, i cili po mbahet në Kolegjin AAB tash e një javë.

Të ndara në grupe vajzat nga Amerika e Ballkani, sot janë duke mësuar nga përfaqësues të kompanisë “INTEL” ndërtimin e dronit, për lidership por edhe po zhvillojnë aplikacione për telefona mobil, mësime për kodim të gjuhëve kompjuterike, mikrobiologji dhe animacion.

Bailey Leuschen, udhëheqese e “Girl Up”, tregon se ky kamp synon të nxisë pjesëmarrjen më të madhe të vajzave në këto fusha.

“Ky kamp ka vetëm vajza dhe përqendrohet shumë në nxitjen e vajzave që të kenë guximin të hyjnë në këto fusha duke e ditur se kanë një komunitet mbrapa vetes, kanë mentorë dhe mbështetje”, shtoi ajo.

Kosova dhe Kolegji AAB janë për herë të parë nikoqir të këtij kampi nëpërmjet një partneriteti të gjerë në mes të korporatës “Sfidat e Mijëvjeçarit”, ambasadës amerikane në Prishtinë, Fondacionit të Kombeve të Bashkuara “GirlUp”,etj…

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19