Në vazhdën e aktiviteteve për rishikimin/hartimin e programeve të studimit të cilat janë në proces të riakreditimit këtë vit, dje është mbajtur mbledhja e radhës e Këshillit Mësimor të Fakultetit të Shkencave Kompjuterike. Në mbledhje përveç stafit, sipas rregullores morën pjesë dy studentë, një anëtar i stafit nga administrata dhe industria.

Në përputhje me statutin e AAB-së, instanca e parë e aprovimit të ndryshimeve apo përmbajtjeve të reja të planprogrameve është Këshilli Mësimor i Fakultetit.

Pikat e rendit të ditës ishin:

• Njoftimi për procesin e riakreditimit dhe akreditimit
• Rishikimi/hartimi i plan programeve (propozime, modifikime për lëndët në planprogram)
• Rishikimi/hartimi i rezultateve të nxënit të programeve
• Rishikimi/hartimi i syllabuseve
• Rishikimi i metodave të mësimdhënies dhe metodave të vlerësimit
• Rishikimi i punës praktike dhe formës së diplomimit
• Tjera

Diskutimet ishin të mjaftueshme ashtu që bartësit e programeve t’i siguronin inputet e mjaftueshme për vazhdim të mëtejmë të punës.