Në ambientet e Universitetit FON në Shkup, u nënshkrua marrëveshja e bashkëpunimit në mes Kolegjit AAB dhe Universitetit FON.

Universiteti FON është universiteti i parë privat në Maqedoni, i themeluar në vitin 2003. Ky institucion universitar përveç qendrës kryesore në Shkup, operon me degët e veta edhe në Strugë, Strumicë dhe Gostivar.

Marrëveshja ka për qëllim ngritjen e cilësisë dhe kapaciteteve  akademike e shkëmbimin e  përvojave dhe njohurive në fushën e arsimit të lartë. Po ashtu pjesë e kësaj marrëveshjeje do të jenë  projektet e përbashkëta hulumtuese, si dhe organizimi i simpoziumeve e konferencave, shkëmbimi i ligjëruesve dhe ofrimi i ligjëratave me interes të përbashkët si dhe vizitat e ndërsjella studimore të studentëve të të dyja palëve.