Thirrje për Aplikim – Mobilitet Erasmus+ KA171 për Studentë dhe Staf në Uniwersytet Komisji Edukacji Narodowej (UKEN), Poloni

Zyra për Marrëdhënie Ndërkombëtare njofton studentët dhe stafin akademik të Kolegjit AAB për mundësinë e pjesëmarrjes në mobilitete Erasmus+ KA171 në Uniwersytet Komisji Edukacji Narodowej (UKEN), Kraków, Poloni.

Këto mobilitete realizohen në kuadër të marrëveshjes ndërinstitucionale ndërmjet Kolegjit AAB dhe UKEN dhe financohen nga programi Erasmus+ International Credit Mobility (KA171).

Mobilitete për studentë

• 2 mobilitete për studentë nga Kolegji AAB në UKEN (Fakulteti i Gjuhës Angleze, Psikologji, Juridik, Administratë Publike, Shkenca Sociale dhe Shkenca Kompjuterike).
• Studentët do të realizojnë shkëmbim studimor për një semestër

Mobilitet për staf akademik

• 1 mobilitet për staf nga Kolegji AAB në UKEN
• Mund të realizohet si:
  • Teaching Mobility (mësimdhënie) ose
  • Training Mobility (trajnim)

Mobiliteti synon:

• shkëmbimin e praktikave të mësimdhënies dhe kërkimit shkencor
• forcimin e bashkëpunimit ndërinstitucional.

Financimi

Mobilitetet financohen nga programi Erasmus+ KA171 dhe përfshijnë:

• grant për qëndrimin gjatë mobilitetit
• mbështetje për shpenzimet e udhëtimit sipas distancës.

Aplikimi

Të interesuarit më së largu deri më 2 Prill të kontaktojnë:

[email protected]

[email protected]