Fakulteti Juridik dhe Fakulteti Ekonomik kanë organizuar një ligjëratë me temë mbrojtjen e konsumatorit dhe funksionimin e tregut, ku i ftuar ishte Nijazi Shala, udhëheqës i Departamentit për Mbrojtjen e Konsumatorit në Ministrinë e Industrisë, Ndërmarrësisë, Tregtisë dhe Inovacionit.
Shala trajtoi çështje të rëndësishme që lidhen me infrastrukturën e mbrojtjes së cilësisë dhe tregut, duke përfshirë mbikëqyrjen e tregut, mbrojtjen e konsumatorit, metrologjinë, akreditimin dhe rregulloret teknike.
Në fokus të ligjëratës ishte edhe roli i politikave ekonomike dhe strategjive kombëtare në rritjen e konkurrueshmërisë dhe garantimin e një tregu të sigurt për konsumatorët.
Studentët patën mundësinë të mësojnë më shumë rreth funksionimit praktik të këtyre mekanizmave dhe të parashtrojnë pyetje lidhur me mbrojtjen e të drejtave të konsumatorëve në Kosovë.
