Në kuadër të aktiviteteve akademike dhe praktike, Fakulteti Juridik në Kolegjin AAB organizoi një seancë praktike të Tribunalit të Arbitrazhit me studentët e vitit të katërt, në kuadër të lëndës “Arbitrazhi”, të profesorit Mentor Lecaj.
Kjo seancë u organizua me qëllim që studentët të praktikojnë aftësitë e tyre në zgjidhjen e kontesteve dhe të zbatojnë në praktikë njohuritë teorike mbi procedurat e arbitrazhit. Gjatë aktivitetit, ata morën role të ndryshme procedurale dhe zhvilluan një proces arbitrazhi, duke paraqitur argumente dhe qëndrime juridike.
Përmes këtij aktiviteti, studentët patën mundësi të zhvillojnë aftësitë e tyre profesionale, komunikimin juridik dhe punën në ekip, duke fituar përvojë praktike të rëndësishme për të ardhmen e tyre profesionale.
