Kolegji AAB ka një shtrirje të gjerë të bashkëpunimeve me shumë institucione dhe kompani që mund të kontribuojnë në lehtësimin e shumë çështjeve për studentë. Së fundi, përmes bashkëpunimit me Western Union është mbajtur ligjëratë për stafin dhe studentët e Kolegjit AAB, në të cilën u shpalosën shumë detaje të kartelës së vetme pa llogari bankare në Kosovë “UPAY CARD”.

Pajisja me këtë kartelë ndër të tjera do të ndihmojë studentët në kryerjen e shërbimeve duke përfshirë biznese të ndryshme në vend dhe duke përfituar bonuse gjatë blerjeve. Ndër të tjera, stafi dhe studentët e Kolegjit AAB për informim më të gjerë rreth benefiteve dhe dobive të kësaj kartele do të mund të paraqiten në pikën e Western Union brenda kampusit të Kolegjit AAB në katin 0.

Kolegji AAB mbetet partner i besueshëm kur në vend promovohen risi që janë në hap me kohën dhe që ofrojnë mirëqënie institucionale.