Në kuadër të bashkëpunimit të Fakultetit të Shkencave Kompjuterike të Kolegjit AAB dhe kompanisë “Cybersecurity and Privacy”, më 25 maj u shënua dita e Rregullores së Përgjithshme të Mbrojtjes të së Dhënave (General Data Protection Regulation).

Kjo rregullore u jep individëve më shumë të drejta mbi përdorimin e të dhënave të tyre personale dhe i mban organizatat përgjegjëse për mbledhjen dhe përdorimin e të dhënave të tyre. Në lidhje me këtë rregullore studentët u informuan nga përfaqësuesi i kompanisë “Cybersecurity and Privacy”, Mentor Hoxhaj. Pas ligjëratës e cila kishte të bënte edhe me atë se çfarë duhet të dimë ne, nga studentët e pranishëm u shtruan shumë pyetje.