Dhjetëra studentë e punonjës të AAB-së iu përgjigjën pozitivisht aksionit për dhurimin vullnetar të gjakut

23 Dhjetor 2020

Studentët dhe stafi i Kolegjit AAB edhe njëherë iu përgjigjën pozitivisht aksionit vullnetar për dhurimin e gjakut që u organizua nga Fakulteti i Infermierisë i Kolegjit AAB, në bashkëpunim me Qendrën Kombëtare të Kosovës për Transfuzionin e Gjakut, në prag të festave të fundvitit.
Dhjetëra studentë dhe punonjës të Kolegjit AAB qysh në orët e para të aksionit shprehën gatishmërinë e tyre për të dhuruar gjak dhe për të ndihmuar personat në nevojë.

Dekani i Fakultetit të Infermierisë në AAB, Idriz Sopjani, falënderoi të gjithë studentët dhe stafin e AAB-së që edhe një herë treguan gatishmërinë e tyre për dhurimin vullnetar të gjakut. Ai gjithashtu përgëzoi dhuruesit, duke e vlerësuar këtë si një veprim të lartë njerëzor.

“Ky aktivitet i dhurimit të gjakut tregon empatinë që kanë studentët dhe stafi i AAB-së për të tjerët. Përveç kujdesit që ofrojmë pranë pacientit ne bëjmë përpjekje që në çdo formë t’ua shpëtojmë jetën apo edhe t’ u krijojmë mundësi të shërimit përmes dhurimit tonë të gjakut” tha dekani i Fakultetit të Infermierisë, Prof.ass.dr. Idriz Sopjani.
Aksioni humanitar i dhurimit të gjakut është bërë tashmë traditë e Kolegjit AAB për të ndihmuar ata që kanë nevojë dhe çdo herë e më shumë ka shënuar rritje të dhuruesve.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19