Fakulteti i Shkencave Sociale, dega në Gjakovë, nënshkroi marrëveshje bashkëpunimi me Institucionin Parashkollor “Andrra”

8 Tetor 2021

Institucioni Parashkollor “Andrra” në Gjakovë, do të jetë partner bashkëpunimi me Fakultetin e Shkencave Sociale të Kolegjit AAB, dega në Gjakovë, përkatësisht programin studimor Përkujdesja dhe Mirëqenia e Fëmijëve.

Ky partenritet u lidh përmes marrëveshjes së bashkëpunimit e cila u nënshkrua nga drejtori i degës së Kolegjit AAB në Gjakovë, z.Rifat Haxhija, dhe drejtoreshës së IP “Andrra”, znj.Shpresa Frrokaj.

Marrëveshja e cila u arrit në koordinim me dekanatin e Fakultetit të Shkencave Sociale, ka për qëllim përgatitjen e studentëve në aspektin praktik përmes praktikave studentore në këtë institucion.

Vlen të ceket se në IP “Andrra” në Gjakovë, janë të punësuara edhe tri studente të diplomuara në Kolegjin AAB, Fakulteti i Shkencave Sociale, ndërsa praktikën profesionale e kanë ndjekur dhjetëra studente të tjera të AAB-së.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19