Me 8 nëntor në Kolegjin AAB do mbahet Konferenca Ndërkombëtare për Ditën Botërore të Radiologjisë, organizuar nga Fakulteti i Shkencave Shëndetësore dhe Shoqata e Teknikëve të Radiologjisë së Kosovës.
Tema e konferencës do jetë “Fuqizimi i Kujdesit Shëndetësor përmes Cilësisë së Lartë në Imazhe: Tekniku i Radiologjisë, Shtylla e Parë në Diagnostikimin Modern”.
Kjo konferencë synon të theksojë rëndësinë e radiologëve dhe teknikëve të radiologjisë në proceset moderne të diagnostikimit dhe trajtimit mjekësor.
Të drejtë pjesëmarrje kanë të gjitha profilet shëndetësore dhe jo-shëndetësore, të cilët kanë interes të thellojnë njohuritë mbi zhvillimet dhe sfidat aktuale në kujdesin shëndetësor.
Konferenca është e akredituar nga Oda e Infermierëve, Mamive dhe profesionistëve tjerë shëndetësor të Kosovës me 20 pikë pjesëmarrje aktive, ndërsa 15 pikë pjesëmarrje pasive!
Pjesëmarrja është falas, dhe për ta konfirmuar dërgoni email në: [email protected], deri të premten, më 07.11.2025, në ora 14:00.
Pjesëmarrja është e limituar!
