Në hapësirat e Kolegjit AAB, në kuadër të Panairit Vjeshtor të Librit, është bërë promovimi i librit nga autorja Melihate Tërmkolli. Libri që mban titullin ‘’Marsi i Acartë’’, flet për shtetformimin e Kosovës dhe fazat e rëndësishme që kanë kaluar shqiptarët.
Tërmkolli tha se ky libër në veçanti duhet të lexohet nga gjeneratat e reja, për ta mësuar edhe më mirë historinë dhe për të ditur proceset e sfidat që ka kaluar shteti i Kosovës. Ajo tutje falënderoi të pranishmit në Kolegjin AAB, derisa për studentët uroi që të bëhen ata që duhet të jenë, në mënyrë që t’i shërbejnë vendit të tyre.