Prof.Arianit Maraj ligjëroi për studentët e Universitetit SMK të Lituanisë

16 Prill 2021

Në kuadër të programit Erasmus+ Programme për mobilitetin e stafit akademik, prof.Arianit Maraj i cili është pjesë e stafit akademik në Fakultetin e Shkencave Kompjuterike në AAB, ishte pjesë e shkëmbimit akademik në Universitetin SMK, me seli në Vilnius të Lituanisë.

Prof.Maraj, zhvilloi një ligjëratë për studentët e vitit të dytë të Programit Multimedia, Lojëra Kompjuterike dhe Animacion, me temën: Edukimi për Sigurinë Kibernetike në vendet në zhvillim.

Ai e vlerësoi si një përvojë shumë të mirë këtë shkëmbim, ndërsa falënderoi Kolegjin AAB për përkrahjen e vazhdueshme ndaj stafit akademik në ngritjen profesionale dhe akademike të tyre.

AAB do të vazhdojë me aktivitete të këtilla ndërkombëtare, për stafin akademik por edhe për studentët, në kuadër të programeve të tilla për shkëmbim.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19