Rektori Demjaha zhvilloi takim të përbashkët virtual me Ambasadorin e Republikës Çeke, Pavel Bilek dhe zv.Ambasadoren e Zvicrës, Pauline Menthonnex-Gacaferri

9 Dhjetor 2020

Në suaza të aktiviteteve e takimeve të ndryshme me personalitete të rëndësishme, rektori i Kolegjit AAB, Bujar Demjaha, bashkë me prorektoren për Marrëdhënie Ndëkrombëtare, Venera Llunji e udhëheqësen e Zyrës për Zhvillim të Projekteve, Ilirjana Geci, zhvilluan një takim virtual me ambasadorin e Republikës Çeke në Kosovë, Pavel Bilek dhe zv.ambasadoren e Zvicrës në vendin tonë, Pauline Menthonnex-Gacaferri.

Takimi kishte për qëllim krijimin e mundësive për bashkëpunim në mes të Kolegjit AAB dhe institucioneve të arsimit të lartë në Republikën e Çekisë dhe atyre të Zvicrës. Në fokus të diskutimeve ishte edhe ideja e krimjit të një rrjeti universitetesh dhe kolegjesh që do të mund të ofronte mundësi shkëmbimi të studentëve dhe të personelit akademik, pastaj organizime te përbashkëta të konferencave të ndryshme ndërkombëtare, organizimin e shkollave verore/dimërore, aktivitete të ndryshme kulturore dhe projekte të ndryshme nga të cilat do të përfitonin të gjitha palët.

Kolegji AAB në vazhdimësi ka kultivuar raporte miqësore e profesionale me të gjithë ambasadorët e akredituar në vendin tonë.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19