Profesorët e Kolegjit AAB Bashkim Rrahmani dhe Basri Muja, në kuadër të programit “Guest Lecturers”, kanë qëndruar në Kehl University në Gjermani.

Ata gjatë kësaj kohe kanë zhvilluar takime të ndërlidhura me kërkimin akademik, si dhe mundësitë e bashkëpunimit të institucioneve arsimore në këtë fushë.

Rrahmani dhe Muja mbajtën ligjërata të hapura për studentët e programeve në nivelin master në fushën e Administratës Publike, ndërsa patën takime me zyrtarë të shumtë nga ky universitet si me Zyrën për Marrëdhënie Ndërkombëtare, Zyrën e Cilësisë dhe Zhvillimit Akademik.

Gjatë takimeve u diskutuan tema të shumta me fokus në arsimin e lartë, si dhe shkëmbimin e përvojave mes dy institucioneve.