Kolegji AAB ka siguruar një prezencë të fuqishme akademike në konferencën ECER 2026, përmes pranimit të një simpoziumi dhe dy punimeve individuale shkencore, duke dëshmuar rolin aktiv të institucionit në avancimin e kërkimit mbi tranzicionet e të rinjve, sistemet arsimore dhe dinamikat e tregut të punës në kuadër të EDU-LAB Horizon Europe Project.
Simpoziumi i pranuar, me titull “Governing European Youth Transitions Through Education and into the Labour Market: Policy Challenges and Early Evidence from the EDU-LAB Horizon Europe Project,” udhëhiqet nga Xhavit Rexhaj nga Kolegji AAB, ndërsa diskutues është Petri Nokelainen nga Tampere University. Simpoziumi përfshin katër kontribute nga vende të ndryshme, të cilat trajtojnë dimensione strukturore, politike dhe socio-ekonomike të tranzicioneve të të rinjve në Evropë.
Kolegji AAB përfaqësohet drejtpërdrejt në këtë simpozium përmes kontributit të Arbëresha Qerimi, në bashkautorësi me Xhavit Rexhaj, Fidan Qerimi dhe Gresa Shaqiri. Punimi i tyre, “Socio-Economic Determinants and the Impact of Parental Investments on Children’s Educational Performance: A Microeconomic Study in Kosovo,” ofron një analizë empirike të fokusuar mbi ndikimin e faktorëve familjarë në performancën arsimore të fëmijëve në Kosovë. Kontribute të tjera në simpozium përfshijnë Theodor Leiber nga Evaluation Agency Baden-Württemberg, Alexander Chvorostov nga Economica Research Institute dhe Sini Teräsahde nga Tampere University. Përmes rolit koordinues dhe kontributit shkencor, Kolegji AAB zë një vend qendror në këtë simpozium.
Përveç simpoziumit, stafi i Kolegjit AAB është i përfshirë në mënyrë të theksuar edhe në dy punime individuale të pranuara. Punimi i parë, “Educational Aspirations and Institutional Realities: An Analysis of Alignment and Mismatch in Youth Pathways,” është realizuar nga Arbërore Bicaj, Erëza Mehmeti, Gresa Shaqiri, Jeton Brajshori dhe Etleva Namligjiu, dhe analizon në mënyrë kritike raportin ndërmjet aspiratave arsimore të të rinjve dhe kufizimeve institucionale që ndikojnë në realizimin e tyre.
Punimi i dytë, “Social and Institutional Factors Affecting the Lower to Upper Secondary Education Transition in Kosovo,” nga Arta Musollaj, Erëza Mehmeti, Gresa Shaqiri, Vrullim Buja dhe Flaka Jonuzi, trajton ndërveprimin ndërmjet faktorëve socialë dhe institucionalë në formësimin e tranzicionit nga arsimi i mesëm i ulët në atë të mesëm të lartë në Kosovë.
Në tërësi, këto kontribute dëshmojnë angazhimin e fuqishëm të Kolegjit AAB në bashkëpunime ndërkombëtare kërkimore, si dhe rolin aktiv të stafit të tij akademik në prodhimin e njohurive empirike dhe të rëndësishme për politikëbërjen në nivel evropian.
