Në Kolegjin AAB u mbajt një ligjëratë e hapur e organizuar nga Fakulteti Ekonomik, në bashkëpunim
me ProCredit Bank, me pjesëmarrjen e studentëve dhe stafit akademik.
Ligjërata u mbajt nga Blerina Nikqi, Business Client Adviser në ProCredit Bank, e cila trajtoi temën “Dokumentacioni financiar dhe vlerësimi i riskut në vendimmarrjen bankare për klientët biznesor”.
Në këtë diskutim, studentët patën mundësi të njihen më afër me proceset e analizës financiare, rëndësinë e dokumentacionit në sektorin bankar, si dhe mënyrat e vlerësimit të riskut gjatë vendimmarrjes për financimin e bizneseve.
Aktiviteti u zhvillua në formën e një bashkëbisedimi të hapur me studentët, duke krijuar mundësi për diskutime interaktive dhe shkëmbim përvojash profesionale.
