Me 12 qershor në Kolegjin AAB, do të mbahet ligjëratë me të ftuar special Shefin e Bashkëpunimit në Zyrën e Bashkimit Evropian në Kosovë, z.Hubert Perr.
Ligjërata do të mbahet në kuadër të Shkollës Verore 2026 dhe aktiviteteve të “Student Ambassadors” të projektit Qendra e Ekselencës “KO-in-EU”.
Projekti mbështetet nga Programi Erasmus+ i Bashkimit Evropian dhe synon të promovojë njohuri, dialog dhe angazhim mbi temat që lidhen me Bashkimin Evropian dhe vlerat e tij.
Ligjërata do të trajtojë tema që lidhen me Bashkimin Evropian, procesin e integrimit evropian të Kosovës dhe të ardhmen evropiane të Kosovës.
Kjo ligjëratë e hapur u ofron studentëve, stafit akademik dhe pjesëmarrësve të tjerë të interesuar një mundësi të vlefshme për të marrë njohuri nga një përfaqësues i Bashkimit Evropian dhe për të marrë pjesë në një diskutim mbi rrugën e Kosovës drejt integrimit evropian.
