Në vazhdimësinë e mbështetjes së shoqatave e institucioneve për përkujdesjen e fëmijëve me nevoja të veçanta, në zhvillimin dhe realizimin e projekteve dhe aktiviteteve të ndryshme edukative e sportive, studentët e Fakultetit të Kulturës Fizike dhe Sportit të AAB-së, zhvilluan një aktivitet bashkë me fëmijët e Asociacionit Nacional të Autizmit në Kosovë.

Studentët tanë, bashkë me udhëheqësit e Asociacionit Nacional të Autizmit në Kosovë, ndihmuan fëmijët autistë të Kosovës të përvetësojnë notin, aktivitet ky që u mbajt në pishinën e shkollës  “Zenit”.

Prodekani  Zenel Metaj , ka thënë se përmes  këtij  aktiviteti  sportiv fëmijët   fitojnë njohuri të reja teknike për sportin e notit.

Po ashtu  Metaj, u shpreh  tejet i kënaqur me studentët e AAB-së, të cilët, siç tha Metaj, ende pa  përfunduar studimet  janë të gatshëm që në mënyrë shumë profesionale dhe kujdesshëm të zhvillojnë aktivitete të tilla.