Dhjetëra studentë nga Kosova, Shqipëria e Maqedonia morën pjesë në Shkollën Verore 2021

7 Korrik 2021

Ka nisur në mënyrë solemne Shkolla Verore 2021 “Jeta sociale studentore”, e organizuar nga Kolegji AAB në bashkëpunim me Universitetin “Isa Boletini” nga Mitrovica, Universitetin Shtetëror të Tetovës dhe Universitetin Metropolitan nga Tirana.

Në ceremoninë hapëse të edicionit të parë të kësaj Shkolle Verore, hapjen e këtij aktiviteti e bëri dekani i Fakultetit të Shkencave Sociale në Kolegjin AAB, prof.ass.dr. Hysen Kasumi. Ndërsa nismën e këtij organizimi e përshëndetën dhe vlerësuan edhe rektori i Kolegjit AAB, Bjar Demjaha, profesoresha Sonila Daiu nga Universiteti Metropolitan Tirana, e asistenti Ridvan Aliti nga Universiteti i Tetovës.

Në ditën e parë të Shkollës Verore, në Qendrën Mediale në Kolegjin AAB u mbajt edhe debati “Mundësitë e institucioneve të Arsimit të lartë në zhvillimin e jetës sociale të studentëve”. Më pas, studentët pjesëmarrës të Shkollës, të shoqëruar nga stafi akademik dhe me përkrahjen e Ministrisë së Kulturës, vizituan Muzeun Kombëtar të Kosovës dhe qytetin antik “Ulpiana” në Graçanicë.

Ndërsa në ditën e dytë të Shkollës Verore, pjesëmarrësit u mirëpritën në hapësirat e Universitetit të Mitrovicës “Isa Boletini”. Me këtë rast u zhvillua debati me studentët në temën “Rëndësia e jetës sociale studentore: Shembuj nga përvojat e institucioneve ndërkombëtare – Jeta sociale studentore në Universitetin “Isa Boletini” në Mitrovicë.

Pas përfundimit të debatit, studentët dhe stafi vizituan Muzeun e Kristaleve në Mitrovicë.
Në fund të këtij aktiviteti janë ndarë edhe certifikata për pjesëmarrësit për kontributin e tyre në Shkollën Verore 2021.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19