Fakulteti i Arkitekturës i Kolegjit AAB, pjesë e workshpit 7 ditorë të organizuar nga Universiteti Teknik i Vjenës
25 Mars 2015
Prishtinë, 25 mars 2015- Nga 26 marsi – 02 prill 2015, Fakulteti i Arkitekturës i Kolegjit AAB do të jetë pjesë e projektit – workshop lëvizës shtatë ditorë, i organizuar nga Universiteti Teknik i Vjenës.
AAB do të përfaqësohet në këtë projekt me studentë dhe mësimdhënës të këtij fakulteti, si: prof. Bujar Demjaha dhe prof. Dukagjin Hasimja, dhe studentët Yllka Qarri, Rinor Koca, Rina Kastrati, Feriz Kadriu dhe Blerina Hashani.
Punimet e kësaj punëtorie mobile do të zhvillohen në Prishtinë, Tetovë, Tiranë dhe në Vjenë.
Në ditën e dytë të punëtorisë, më 27 mars 2015, aktivitetet do të zhvillohen në ambientet e Kolegjit AAB, objekti 1, amfiteatri 1.
