Fakulteti i Gjuhëve të Huaja në Kolegjin AAB dhe kompania TranKOS nënshkruajnë Marrëveshje Bashkëpunimi

7 Shtator 2021

Fakulteti i Gjuhëve të Huaja në Kolegjin AAB vazhdon t’ i zgjerojë mundësitë e bashkëpunimit me kompani dhe institucione të cilat janë potencial punësimi dhe bashkëpunimi për studentët e vet. Marrëveshja e radhës e bashkëpunimit u nënshkrua me kompaninë prestigjioze TranKOS, e cila është e specializuar për shërbime përkthimesh me shkrim dhe me gojë si dhe një lider në përdorimin dhe sigurimin e software-ve më të avancuara për kryerjen e këtyre shërbimeve.

Me anë të kësaj marrëveshje, e nënshkruar nga Dekanja e Fakultetit të Gjuhëve të Huaja, Aida Alla dhe Drejtori i Përgjithshëm i kompanisë TranKOS, z. Afrim Hyseni, studentët e programit Master të Gjuhës Angleze do të kenë mundësi të kryejnë praktikën profesionale në kuadër të lëndës së praktikës si edhe aktivitete të tjera me interes të përbashkët.

Të dy institucionet zotohen se do të angazhohen me të gjitha kapacitetet në mënyrë që kjo marrëveshje të gjejë zbatim sa më të suksesshëm.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19