Një trajnim me temën “Menaxhimi i detyrave të shtëpisë në arsimin fillor” është mbajtur me mësimdhënësit e ciklit fillor nga “The British School of Kosova”, i organizuar nga Fakulteti i Shkencave Sociale dhe Qendra për Aftësim Profesional dhe Inovacion (QAPI).

Trajnimi është një program i dedikuar për menaxhimin e detyrave të shtëpisë për mësuesit, që ka për qëllim kryesor zhvillimin profesional të tyre.

Në të u ofruan udhëzime për mësimdhënësit rreth teknikave dhe strategjive më efektive për të menaxhuar detyrat e shtëpisë në mënyrë efikase, duke lehtësuar balancin midis jetës profesionale dhe asaj personale.

Profesoresha Lirika Bërdynaj Syla udhëhoqi këtë trajnim, që siguron një perspektivë të pasur akademike dhe praktike.