Programi i bursave për magjistraturë në SHBA, Fondi Kosovaro-Amerikan i Edukimit (KAEF), hap aplikimin për vitin akademik 2021. Programet ofrohen në dy mënyra, ajo tradicionale e studimit në SHBA, si dhe ajo Online, program që mund të vijohet edhe nga profesionistët e rinj.

Afati i fundit për aplikim është: 13 korrik 2020, për kushtet e aplikimit: https://www.kaef-online.org/

Fondi Kosovaro-Amerikan i Edukimit (KAEF)

KAEF është një fond i vazhdueshëm i edukimit, dedikuar të kontribuojë në zhvillimin ekonomik afatgjatë të Kosovës përmes edukimit. KAEF ofron bursa të plota të nivelit master për kosovarët për t’u shkolluar në universitetet e përzgjedhura amerikane. Prej vitit 2005 deri më sot, KAEF-i ka ndarë mbi 100 bursa të nivelit master duke u bazuar në një proces konkurrues, meritor dhe si i tillë nuk diskriminon në baza etnie, moshe, race, gjinie, feje apo nevojave të veçanta.

Risi në KAEF:

Nga ky vit, krahas programit tradicional të studimit ne SHBA, bursa e KAEF-it ofron edhe programin e magjistraturës online. Ky drejtim, parasheh ofrimin e bursës për profesionitët e rinj, të cilët duan t’ i ndjekin mësimet pa ndërprerë marrdhënien e punës që kanë në Kosovë. Programet akademike mund të zgjasin nga një deri në tre vjet.

Procesi i Aplikimit:

Fillimisht, aplikacionet e plotësuara online, shqyrtohen nga ekspertët amerikanë të arsimit të lartë. Në fazën e dytë, kandidatët e vlerësuar do t’ i nënshtrohen intervistës dhe testimeve (TOEFL, GMAT/GRE). Së fundmi bëhet përzgjedhja e studentëve në bazë të vlerësimeve të aplikacioneve, rezultateve të testeve dhe të intervistës.

Aplikacioni i KAEF-it për bursa të nivelit master është i hapur dhe afati i fundit për aplikim është 13 Korrik 2020.

Aplikacionit mund t’ i qaseni në këtë vegëz: https://www.kaef-online.org