Klubi i Debatit të Gjuhës Angleze debatoi nëse duhet që vaksinimi i qytetarëve të jetë obligativ

13 Nëntor 2021

Klubi i Debatit i Fakultetit të Gjuhës Angleze ka mbajtur seancën e parë debatuese për këtë vit të ri akademik, aktivitete këto që tashmë janë shndërruar në traditë, në kuadër të këtij fakulteti.

Tema të cilën studentët trajtuan ishte “A duhet që vaksinimi i qytetarëve të jetë i obliguar me ligj?”. Debati u moderua nga koordinatorja e klubit, Artiola Kajtazi, e cila theksoi se me këtë debat janë përmbushur disa nga qëllimet kryesore të klubit, përkatësisht përfshirja e studentëve nga të gjitha vitet akademike të fakultetit, rritja e numrit të të interesuarve si edhe rritja e aftësive debatuese dhe konsolidimi i kulturës së debatit.

Në cilësinë e jurisë në këtë seancë ishin profesorët Aida Alla, Marika Butskhrikidze, Mirvan Xhemajli dhe Gresa Shaqiri.
Problematikat të cilat u diskutuan në këtë debat ishin: A po dëmtohet siguria publike nga personat që nuk dëshirojnë të vaksinohen? A është vaksinimi i obliguar me ligj shkelje e të drejtave të njeriut? A është rrezikimi i sigurisë së qytetarëve nga zgjedhjet individuale shkelje e ligjit dhe e të drejtave të njeriut? A ndikon pozitivisht apo negativisht vaksinimi i obliguar në shoqëri? Pse disa persona refuzojnë të vaksinohen? Debati zgjati 90 minuta dhe u vëzhgua me kujdes nga profesorët.

Juria shpalli fitues skuadrën afirmative si dhe iu dha studentëve këshilla se si ata të përmirësojnë aftësitë e tyre debatuese.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19