Kolegji AAB nderoi poetin rumun Ion Deaconescu me Çmimin Profesor Nderi

20 Nëntor 2021

Me një ceremoni solemne ku morën pjesë studentë, profesorë e dashamirë të fjalës së shkruar, Kolegji AAB ka nderuar me Çmimin Profesor Nderi, shkrimtarin e njohur rumun Ion Deaconescu.

Në fjalën e tij të rastit, kryetari i KD të Kolegjit AAB, Lulzim Tafa tha se Ion Deaconescu, është ndër personalitetet kryesore të jetës kulturore të Rumanisë.

“Një autoritet letrar i pakontestueshëm. Përveç kësaj, Deaconescu është mik i madh i Kosovës dhe promovues edhe i letërsisë shqipe në Rumani. Ka luajtur dhe po luan rol të rëndësishëm në miqësinë mes Kosovës dhe Rumanisë”, tha Tafa.Ndërsa rektori i Kolegjit AAB, Bujar Demjaha tha se ky çmim i ndahet poetit e shkrimtarit rumun Ion Deaconescu, për kontributin e tij në arsimimin e brezave të tërë, për artin e madh që ua ka dhuruar lexuesve anekënd botës dhe për promovimin mes miqësisë së Kosovës dhe Rumanisë.Shkrimtari dhe poeti rumun Ion Deaconescu, u shpreh i nderuar me çmimin dhe promovimin e romanit të tij.

“Është kënaqësi e veçantë të jem sot në një nga universitetet më të mira në Ballkan por ndoshta edhe më gjerë. Me pranimin e këtij çmimi, nuk di se si të ndjehem ndryshe, përveçse mirë.

Ju keni vendosur ta nderoni punën time në forcimin e miqësisë mes popujve, dhe kjo është diçka fantastike nga ana juaj”, tha Deaconescu.Në këtë ceremoni u bë edhe promovimi i romanit “Zogu jam unë” i botuar në gjuhën shqipe nga Shtëpia Botuese “Bogdani”.

Me këtë rast për librin folën botuesi Jeton Kelmendi dhe prorektorja e Kolegjit AAB, Venera Llunji, të cilët vlerësuan lart këtë vepër letrare. I ndarë në 29 nëntituj, romani “Zogu jam unë”, flet në veçanti për jetën dhe veprën e skulptorit rumun, Constantin Brancusi.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19