Nesër nis rrugëtimin edicioni i IV-të i Festivalit Ndërkombëtar Teatror të Prishtinës #PITF2020

18 Dhjetor 2020

“The Show Goes On…” do të jetë motoja e edicionit të katërt të Festivalit Ndërkombëtar të Teatrove, PITF 2020, që organizohet nga Kolegji AAB dhe Teatri AAB “Faruk Begolli”.

Në konferencën e organizuar për media, drejtoresha artistike e Festivalit PITF 2020, Burbuqe Berisha bëri të ditur se në kuadër të programit garues të këtij edicioni, në skenat e dy teatrove do të ngjiten trupa teatrale nga Bullgaria, Kroacia, Kosova dhe Maqedonia e Veriut. Ajo, theksoi poashtu se për shkak të situatës pandemike dy herë është anuluar mbajtja e këtij festivali, derisa tregoi se gjithçka do të realizohet nën kujdes të shtuar dhe në përputhshmëri me masat e rekomanduara nga IKSHPK.


PITF 2020 që fillon nga nesër do të zgjasë deri të mërkurën më 23 dhjetor, kur do të mbahet edhe ceremonia solemne e ndarjes së çmimeve. Nuk ju mbetet gjë tjetër vetëm të rezervoni vendin tuaj në këtë festival dhe të shijoni magjinë e tij për pesë ditë radhazi.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19