Fakulteti Ekonomik ka organizuar ligjëratë me profesorin Petar Borisov nga Bullgaria me temën “Si të krijohet një strategji konkurruese”. Fillimisht janë prezantuar elementet kryesore të strategjisë dhe qëllimet e strategjisë. Po ashtu janë prezantuar shembuj për rëndësinë e vlerës së markës dhe sfidat me të cilat ballafaqohemi për planifikimin strategjik, për krijimin e vlerës dhe efektivitetin e strategjive.

Pas prezantimit të profesorit Borisov, studentët kanë dhënë mendimet e tyre rreth temës, duke pyetur për modelet që duhet të ndjekin bizneset kosovare për krijimin e strategjive konkurruese.