Profesoresha Mimoza Shkodra, pranohet si anëtare e rregullt në Observatorin Global të Aktivitetit Fizik (GOPA)

28 Janar 2021

Profesoresha e Kolegjit AAB, prof.ass.dr. Mimoza Shkodra, zyrtarisht është pranuar anëtare me të drejta të plota në Observatorin Global të Aktivitetit Fizik (GOPA), si anëtarja e vetme shqiptare.

“Të jesh anëtar i GOPA do të thotë shumë për Kosovën dhe për mua. Më vjen mirë që jam edhe anëtarja me e re e GOPA- s, ngaqë deri sot nuk ka pasur asnjë shqiptar në këtë organizëm”, tha Shkodra.

Ajo tregoi për rrugëtimin deri në anëtarësimin në GOPA, ku siç thekson ajo gjithçka erdhi pas publikimit të punimit shkencor për efektet e trajnimit në parametrat funksional te femrat, me ç’ rast ishte kontaktuar nga sekretarja e përgjithshme e Observatorit.

Vlen të theksohet se përveç suksesit për anëtarësim, pranimi i Mimoza Shkodrës është edhe një fitore tjetër e Kosovës, sepse deri tani vendi ynë në GOPA ishte prezantuar si pjesë e Serbisë.

“Jam shumë e lumtur që unë dhe studiuesit e fushës së aktivitetit fizik, epidemiologjik dhe politikbërës të shëndetit publik në Kosovë tani e tutje e kanë anëtaren e tyre në Këshillin Global të Aktivitetit Fizik dhe Shëndetit”, tha profesoresha Mimoza Shkodra.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19