Studentët e Koreografisë sollën performanca të shkëlqyeshme në kuadër të provimit final të vitit të dytë

8 Korrik 2021

Me një shfaqje publike që u mbajt në Teatrin AAB “Faruk Begolli” , studentët e vitit të dytë të programit Koreografi, në kuadër të Fakultetit të Arteve në AAB, përmbyllën provimin e lëndës së koreografisë.

Shfaqja u gërshetua me monologë, duete e trio, ku studentët shfaqën krijimtarinë e tyre të mësuar gjatë këtyre dy viteve të studimeve.

Me këtë rast, mësimdhënësja e kësaj lënde prof. Luljeta Braha, u shpreh e kënaqur me angazhimin dhe përkushtimin e studentëve përgjatë gjithë vitit akademik dhe po ashtu me performancën e tyre publike.

Kujtojmë se Kolegji AAB është i vetmi institucion në Kosovë që ofron studime në programin e Koreografisë, në kuadër të Fakultetit të Arteve.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19