Studentët e Programit për Karrierë dhe Punësim po mbajnë trajnime shtesë për përgatitjen e provimit të Licencës në Gjermani

4 Korrik 2021

Studentët e Infermierisë të Kolegjit AAB, të cilët janë pjesë e Programit për Karrierë dhe Punësim gjatë kësaj jave janë duke mbajtur trajnime shtesë në laboratoret e kolegjit për përgatitjen e Provimit të Licencës, të cilit mund t‘ i nënshtrohen të gjithë studentët të cilët fillojnë punën në Gjermani për marrjen e licencës gjermane si infermier.

Trajnimet po mbahen nën mbikqyrjen e Dekanatit të Infermierisë dhe po realizohen nga Valdete Visoka, e cila është ftuar nga Kolegji AAB nga Gjermania. Përmbajtja dhe planprogrami i këtij trajnimi janë hartuar nga Dekanati i Infermierisë enkas për studentët e Programit me qëllim të përforcimit të njohurive praktike dhe përgatitjes maksimale të studentëve tanë të Programit për provim të Licencës në Gjermani.

Infermierja Valdete Visoka do të ndajë me studentët tanë përvojen e saj shumë vjeçare në fushën e Infermierisë. Kjo praktikë shtesë po realizohet e gjitha në gjuhën gjermane.

Nga ana tjetër po vazhdojnë me intensitet të shtuar edhe kurset e gjuhes gjermane të Infermierisë, organizuar nga Lingua që do t‘ u shërbejnë studentëve në përgatitjen për provimin e licencës dhe lehtësimin e procesit të integrimit të tyre në punë në klinika gjermane.

Programi për Karrierë dhe Punësim është program unik që ofrohet në Kolegjin AAB e që ka për qëllim të ndihmojë studentët në punësimin dhe rrugëtimin e tyre të sigurtë në Gjermani.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19