Në kuadër të shënimit të Ditës Botërore të Librit, në Kolegjin AAB është ndarë çmimi “Masar Stavileci”, për studentin Gentrit Gash inga Fakulteti i Stomatologjisë.
Ky vlerësim për Gentritin është bërë me motivacion shfrytëzimin e rregullt të shërbimeve në Bibliotekën e Kolegjit AAB, duke reflektuar përkushtimin e tij të vazhdueshëm ndaj studimeve dhe zhvillimit akademik.
Çmimi synon të inkurajojë studentët që të përdorin në mënyrë aktive burimet bibliotekare, duke e konsideruar librin dhe leximin si bazë thelbësore për suksesin akademik dhe profesional.
Gentriti, është vlerësuar për frekuentimin e rregullt të bibliotekës dhe për shfrytëzimin e literaturës në funksion të avancimit të njohurive, duke u shndërruar në një shembull pozitiv për studentët e tjerë.
