Studenti i AAB-së, Besart Pireva fitoi medaljen e artë në Turneun Ndërkombëtar të Boksit “Adem Jashari”

25 Nëntor 2020

Studenti i Fakultetit të Kulturës Fizike dhe Sportit në Kolegjin AAB, Besart Pireva, ka triumfuar në Turneun Ndërkombëtar të Boksit “Adem Jashari”, që u mbajt në Prishtinë.

Pireva, ka fituar medaljen e artë në një konkurrencë boksierësh profesionistë nga Bullgaria, Sllovakia, Maqedonia, Shqipëria dhe Kosova. Studenti i AAB-së, Besart Pireva përveç kësa u shpall edhe boksieri më i mirë vendor.

Turneu Ndërkombëtar i Boksit “Adem Jashari”, organizuar nga Federata e Boksit të Kosovës, këtë vit u mbajt për të 22-tën herë, duke përmbushur kështu aktivitetet ndërkombëtare sipas kalendarit të garave të FboxK dhe kalendarit nga Federata Evropiane EUBC dhe Federata Botërore AIBA.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19