Eron Burri

Kulturë Fizike dhe sport

Studenti i AAB-së fitues i vendit të parë në garat e skijimit të Federatës së Sporteve Universitare të Kosovës

Eron Burri, student i Kolegjit AAB, ka dalë i pari në garat e organizuara nga Federata e Sporteve Universitare të Kosovës, që u mbajtën më 07 mars në Brezovicë.

Eroni, edhe pse në AAB studion për Shkenca Kompjuterike, ai nuk e ka lënë prapa as pasionin e tij skijimin, me të cilin merret tash e 18 vjet. Ai që nga mosha 4 vjeçare ka qenë garues në gara të ndryshme, ndërsa si pjesëtar i reprezentacionit të Kosovës në skijim, ka marrë pjesë në gara të ndryshme jashtë vendit, si në Slloveni, Turqi, Bullgari, Mal të Zi, etj..

Eroni thotë se nuk është e lehtë të merresh me sport në Kosovë. Sporti profesional është i kushtueshëm, thotë ai, dhe për një student është e vështirë t’ i mbulojë të gjitha shpenzimet vetëm, por Eroni beson se do të ketë përkrahjen e Kolegjit AAB dhe se nuk do të ndalet drejt sukseseve të tjera.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19