Krenare Çerkini

Juridik

Studentja Krenare Çerkini vizitoi Çekinë dhe Sllovakinë në cilësinë e kryetares së USK-së

Unioni i Studentëve të Kosovës tashmë ka arritur marrëveshje bashkëpunimi edhe me Unionin e Studentëve të Sllovakisë. Marrëveshja u arrit gjatë vizitës së kryesisë së USK-së, të udhëhequr nga studentja e Kolegjit AAB, Krenare Çerkini.

Çerkini, e cila udhëheq me USK-në, ka treguar se gjatë vizitës në Sllovaki ka pasur takime me përfaqësues të dy unioneve studentore sllovake, ndërsa po ashtu është takuar edhe prorektoren e universitetit më të vjetër dhe më të madh të Sllovakisë “Comenius University”, prof. Zuzana Kovacicova.

Kryetarja e studentëve të Kosovës, Krenare Çerkini tha se pavarësisht barrierave diplomatike, me disa vende që nuk e kanë njohur Kosovën studentët do të vazhdojnë në realizimin e projekteve të përbashkëta. Ajo rikujtoi se deri tani USK ka arritur të finalizojë bashkëpunim ndërkombëtar me Britaninë e Madhe, Francën, Çekinë, së fundmi me Sllovakinë dhe shumë shpejt pritet të zyrtarizohet bashkëpunimi edhe me Unionet studentore të Gjermanisë. 

Ditë më parë kryetarja e USK-së, Krenare Çerkini ishte për vizitë edhe në Francë, ku pati takime dhe pritje të rëndësishme.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19