THIRRJE PËR APLIKIM – ERASMUS+ ICM (STUDIM) NË KOÇ UNIVERSITY, TURQI

Kolegji AAB njofton studentët për mundësinë e aplikimit për shkëmbim studimor në kuadër të programit Kolegji AAB njofton studentët për mundësinë e aplikimit për shkëmbim studimor në kuadër të programit Erasmus+ International Credit Mobility (ICM) në Koç University, Turqi, për semestrin vjeshtor të vitit akademik 2026–2027.

Në kuadër të kësaj thirrjeje, studentët do të kenë mundësi të përfitojnë nga një përvojë ndërkombëtare studimi në një nga universitetet më prestigjioze në Turqi, duke zhvilluar njohuritë akademike dhe aftësitë profesionale.

Informata të përgjithshme:

• Numri i vendeve për shkëmbim (me ose pa grant Erasmus+) është i kufizuar/ 1 student
• Programi përfshin mbështetje financiare sipas rregullave të Erasmus+ ICM, rreth 3500 euro
• Studimet realizohen në gjuhën angleze

Kjo thirrje është e hapur për studentët e programeve:

• Gjuhë Angleze
• Psikologji
• Juridik
• Ekonomik

Kriteret e përzgjedhjes:

Përzgjedhja e kandidatëve do të bazohet në:

• Suksesin akademik
• Motivimin dhe përgatitjen për përvojë ndërkombëtare
• Kushte të veçanta (p.sh. aplikantët me aftësi të kufizuara mund të marrin +5 pikë)
• Prioritet më i ulët (-5 pikë) për kandidatët që kanë përfituar më parë nga mobilitetet Erasmus+

Dokumentet e kërkuara:

• CV (në gjuhën angleze)
• Letër motivimi
• Transkript i notave

Aplikimi dhe kontakti:

Studentët e interesuar duhet të aplikojnë pranë Zyrës për Marrëdhënie Ndërkombëtare në AAB më së largu deri më 20 Maj:

[email protected]

[email protected]