Tri studente fituese të Çmimit “Masar Stavileci” i cili u nda sot në Ditën Botërore të Librit

23 Prill 2021

Në shënim të 23 Prillit, Ditës Botërore të Librit, në Kolegjin AAB u mbajt ceremonia e ndarjes së Çmimit “Masar Stavileci”. Ky çmim i themeluar nga Kolegji AAB, për çdo vit u ndahet studentëve të cilët kanë qenë lexuesit më aktivë në Bibliotekën Universitare AAB.

Çmimi “Masar Stavileci” i themeluar në vitin 2018, në nderim të rektorit të parë të Kolegjit AAB, prof.dr. Masar Stavileci, këtë vit u nda për të tretën herë.

Laureatë të sivjetmë të këtij çmimi janë tre studente: Dafina Buzoku, Florentina Peci dhe Vanesa Dubovci.

Në ceremoninë e ndarjes së çmimit, rektori i Kolegjit AAB, Bujar Demjaha përgëzoi fitueset e çmimit dhe tha se biblioteka është vendi më i rëndësishëm i Kolegjit, andaj ne kemi investuar dhe nuk do të ndalemi me investime. “Studentët janë ata të cilët i japin edhe më shumë rëndësi bibliotekës sonë”, tha Demjaha.

Nga ana tjetër, fitueset e çmimit u falënderuan për vlerësimin dhe premtuan se do të përpiqen t’ i nxisin edhe kolegët e tjerë që sa më shumë të jenë pranë librit dhe në bibliotekë.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19