U mbajt ceremonia e dhënies së certifikatave për studentët vullnetarë në programin “Anglishtja nga Unë te TI” në Fshatin SOS

9 Korrik 2021

Tash e dy vjet, studentët e vitit të tretë të Fakultetit të Gjuhës Angleze kontribuojnë vullnetarisht në mësimdhënien e gjuhës angleze për fëmijët, të cilët janë pjesë e skemave të Fshatit SOS. Këtë vit 25 studentë dhanë mësim për më shumë se 100 fëmijë.

Me përfundimin e modulit të dytë, studentëve iu ndanë certifikata në shenjë mirënjohjeje dhe falënderimi për kontributin e tyre. Të pranishëm në këtë aktivitet ishte Rektori i Kolegjit AAB, Bujar Demjaha, përfaqësues nga Fashti SOS, Arjeta Rexhaj, Udhëheqëse e Qendrës Mbështetëse për Fëmijë dhe Familje, dhe Hana Shala, punonjëse sociale dhe koordinatorja e programit të gjuhës angleze.

Në fjalën e tij të rastit, Rektori i përgëzoi studentët për të gjithë përkushtimin e tyre dhe për shembullin e mirë që po transmetojnë në komunitet. Rektori shprehu gatishmërinë e Kolegjit AAB për të vazhduar përkrahjen e fëmijëve të Fshatit SOS edhe me aktivitete të tjera.

Jasmine Ejupi, njëra ndër vullnetaret e programit “Anglishtja nga unë te ti” ndau eksperiencën e saj para të pranishmëve dhe u shpreh se eksperienca dhe ndjesia që përjetoi me fëmijët gjatë kurseve do të jetë e paharrueshme. Në fund studentët vazhduan bisedën për projekte të tjera të ngjashme.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19