Zgjidhet kryesia e re e Klubit të Ekonomistëve të Rinj

9 Dhjetor 2020

Në një takim të kombinuar fizik e virtual me të gjithë pjesëtarët e Klubit të Ekonomistëve të Rinj të Kolegjit AAB, u zgjodh kryesia e re e klubit për vitin akademik 2020/21.

Në krye të Klubit i cili mbledh studentët e të gjitha programeve studimore të Fakultetit Ekonomik në të tre degët e Kolegjit AAB, u zgjodh studentja Agnesa Tullari, ndërsa nënkryetarë u zgjodhën Andi Vehapi dhe Alma Jakupi.

Kryetarja e sapozgjedhur e klubit, Agnesa Tullari, falënderoi të gjithë profesorët dhe kandidatët për besimin e dhënë. Ajo premtoi se do të punojë në realizimin e të gjitha objektivave të Klubit të Ekonomistëve të Rinj.

Klubi i Ekonomistëve të Rinj është themeluar në vitin 2016, ndërsa qëllimi i themelimit të këtij klubi është organizimi i aktiviteteve të ndryshme ekonomike dhe sociale që ndihmojnë studentët për përgatitje profesionale për tregun e punës.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19