AAB dhe Instituti për Bashkëpunim dhe Zhvillim nga Franca, nënshkruan marrëveshje bashkëpunimi

16 Nëntor 2021

Kolegji AAB dhe Instituti për Bashkëpunim dhe Zhvillim nga Franca, nënshkruan marrëveshje bashkëpunimi që ka për qëllim promovimin akademik, arsimor dhe kulturor mes dy institucioneve.

Marrëveshja u nënshkrua nga Rektori i Kolegjit AAB, Dr.Sc. Bujar Demjaha, presidenti i Institutit për Bashkëpunim dhe Zhvillim, Zt. Tahir Shabani si dhe deputeti i Parlamentit të Republikës dhe Kantonit të Gjenevës njëherësh edhe Zëvendës president i këtij institute, Zt. Eric Leyvraz.

Kjo marrëveshje e bashkëpunimit ngërthen krijimin e mundësive për rrjetëzim dhe shkëmbim reciprok të mësimdhënësve, personelit akademik në fushën e kërkimeve, shkëmbimin e studentëve dhe stafit tjetër për ligjërata, për vizita si dhe shkëmbim të përvojave me universitetet në Francë, Zvicër dhe Evropë, si dhe takime eventuale me Komisionin Evropian.

Përveç nënshkrimit të marrëveshjes u mbajt edhe ceremonia për certifikim të personaliteteve nga Komiteti Botëror i Paqes. Me këtë rast rektorit të Kolegjit AAB, Bujar Demjaha iu nda certifikata “Ambasador i Paqes Botërore”, e ku mori pjesë edhe Dr. Rabit Sadiku, zëvendës president në cilësi të përfaqësuesit nga Komiteti Botëror i Paqes.

Pas nënshkrimit të marrëveshje dhe ndarjes së certifikatave, Zt. Eric Leyvraz mbajti një ligjëratë informuese me studentët e Kolegjit AAB, për diplomacinë parlamentare, duke i njoftuar me sistemin legjislativ të Zvicrës, me historikun e shkurtër të zhvillimit të shtetit zviceran, me veçoritë kulturore dhe historike të këtij vendi duke u përgjigjur më pas në pyetjet dhe komentet e studentëve pjesëmarrës.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19