AAB shënon ngritje në Webometrics. Vazhdon të jetë institucioni më i mirë jopublik i arsimit të lartë në të gjitha trojet shqiptare

28 Korrik 2021

Me 447 pozita më lartë se në edicionin e janarit 2021, Kolegji AAB sërish ka dalur të jetë institucioni më i mirë jopublik në të gjitha trojet shqiptare, sipas listës prestigjioze të rangimit të universiteteve Webometrics.

Në rezultatet e publikuara të Webometrics, për edicionin e dytë të 2021, në mesin e mbi 30 mijë universiteteve të vlerësuara në nivel global, Universiteti i Prishtinës dhe Kolegji AAB vlerësohen dy më të mirat në vendin tonë.

Dy prijëset e listës së institucioneve universitare të Kosovës, kanë pasur ngritje pozitive prej 247 vendesh, Universiteti i Prishtinës dhe 447 vende më lartë, Kolegji AAB. Pozicionim më të mirë në rang global ka marrë edhe Universiteti i Mitrovicës, duke u ngritur për 2457 vende, dhe duke e zëvendësuar Kolegjin UBT i cili në janar ishte i treti pas UP-së dhe AAB-së.

Bazuar në këto rezultate, në universitetet më të mira publike shqiptare janë ranguar: Universiteti i Prishtinës, Universiteti i Tiranës, Universiteti Bujqësor i Tiranës, Universiteti i Tetovës.

Webometrics që është ranglistë e realizuar nga Cybermetrics Lab, që është pjesë e institucionit më të madh kërkimor publik në Spanjë, Këshillit të lartë për kërkime shkencore, ditë më parë ka nxjerrë edhe listën e 5 mijë universiteteve më të mira sipas citimeve të punimeve shkencore në Google Scholar, ndërsa nga vendi ynë janë përfshirë vetëm Universiteti i Prishtinës dhe Kolegji AAB.

Rangimi sipas Webometrics merr për bazë njohjen e nivelit të mirë të punës shkencore të botuar, si dhe përmbajtjen dhe shpërndarjen e informacionit nga burimet elektronike nga institucionet përkatëse.

Në top universitetet botërore, listës i prijnë universitetet amerikane, të udhëhequr nga Universiteti i Harvardit, ndërsa më së larti në Evropë është ranguar Universiteti i Oksfordit.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19