Ambasada e Francës dhe Aleanca Franceze në Prishtinë, hapin zyrën e pranisë franceze në Kolegjin AAB

15 Nëntor 2021

Me një ceremoni solemne të organizuar në bashkëpunim me Ambasadën Franceze në Kosovë dhe Aleancën Franceze në Prishtinë, në Kolegjin AAB u hap zyra e përfaqësimit të Francës dhe Aleancës franceze.

Hapjes së kësaj zyreje i parapriu edhe nënshkrimi i marrëveshjes së bashkëpunimit në mes të Kolegjit AAB dhe Ambasadës Franceze në Kosovë, më saktësisht Shërbimit për bashkëpunim dhe veprimtari kulturore në kuadër të kësaj ambasade. Marrëveshja u nënshkrua nga rektori i Kolegjit AAB, Bujar Demjaha dhe ambasadorja e Francës në vendin tonë, Shkëlqesia e Saj, Marie-Christine Butel.

Me këtë rast, rektori i Kolegjit AAB, Bujar Demjaha tha se kjo marrëveshje duhet të konsiderohet edhe një sfidë më shumë për të gjithë ne, dhe kjo na obligon të dalim faqebardhë para institucioneve tona dhe në veçanti para komuniteteve tona.


“Filozofia e frankofonisë bazohet në tri shtylla: barazi, komplementaritet dhe solidaritet. Andaj kjo zyrë e pranisë franceze në Kolegjin AAB duhet të shihet si një portë e cila promovon dashuri, tolerancë dhe sinqeritet sepse rajoni i Ballkanit ka nevojë për tolerancë dhe bota ka nevojë për dashuri”, tha Demjaha.


Ndërsa ambasadorja franceze Marie-Christine Butel, hapjen e zyrës në Kolegjin AAB e quajti datë historike për miqësinë në mes të dy vendeve tona. “Kjo zyrë do të jetë hapësira e dukshme e një bashkëpunimi të gjerë dhe shumë të përzemërt në mes të Kolegjit AAB, Shërbimit për bashkëpunim dhe veprimtari kulturore të Ambasadës së Francës dhe Aleancës Franceze në Prishtinë.

Kjo prani franceze është fryt i një pune të gjatë dhe me shumë durim por edhe gjenezë e një programi të shumtë aktivitetesh kulturore e universitare që do të hapet tani”, tha diplomatja franceze.

Në kuadër të zyrës së hapur në Kolegjin AAB do të zhvillohen aktivitete të ndryshme nga Ambasada Franceze në Kosovë, Aleanca Franceze në Prishtinë e Campus France që do të shërbejë për informimin e studentëve që dëshirojnë të studiojnë në Francë, etj..

Krahas nënshkrimit të marrëveshjes për bashkëpunim dhe hapjes së zyrës në Kolegjin AAB, u bë edhe hapja e edicionit të 20-të të Festivalit të filmit frakonfon në Kosovë, i cili do të zhvillohet nga 15-21 nëntor 2021, në Prishtinë, Prizren dhe Pejë.

Solemniteti i organizuar me këtë rast u plotësua edhe me aktivitete të tjera si “Shija franceze” me ç’ rast mysafirët patën rastin të degustojnë ushqime dhe verëra franceze të gatuara nga kuzhinierë francezë, të shoqëruara nën repertorin muzikor të grupit francez Flonflons.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19