Kolegji AAB dhe Klan Kosova me aktivitete të përbashkëta në dobi të mjedisit mediatik në Kosovë

23 Shtator 2021

Fakulteti i Komunikimit Masiv i Kolegji AAB dhe Televizioni Klan Kosova (Klan Kosova), do të bashkërendojnë disa aktivitete të cilat kanë për qëllim të kontribuojnë në ngritjen e mëtejme të profesionalizmit të gazetarisë dhe studimeve mediatike në Kosovë.

Kjo do të realizohet në sajë të një marrëveshjeje bashkëpunimi e cila u nënshkrua sot nga dekani i Fakultetit të Komunikimit Masiv të AAB-së, Prof. Asst. Dr. Hasan Saliu dhe, drejtorit të Televizionit Klan Kosova, MA. Adriatik Kelmendi.

Gjatë nënshkrimit të kësaj marrëveshjeje u tha se bashkëpunimi ndërmjet profesionistëve të gazetarisë nga njëra anë dhe, studiuesve të mediave e komunikimit nga ana tjetër, është në interes të të dyja palëve si dhe në interes të mjedisit mediatik kosovar në përgjithësi.

Sipas kësaj marrëveshjeje, palët pajtohen të bashkërendojnë aktivitetet të cilat rrisin edhe më tej standardet e gazetarisë profesioniste, aftësojnë studentët dhe ndikojnë pozitivisht në informimin objektiv në Kosovë.

Këto do të mund të realizohen nëpërmjet organizimit të simpoziumeve, konferencave, trajnimit dhe profesionalizmit të mëtejmë të gazetarëve, mundësisë më të madhe për praktikës profesionale për studentët e gazetarisë, ligjërata me interes të ndërsjellë si dhe aktivitete të tjera të përbashkëta me qëllim dobiprurës për mediat dhe studimet mediatike në Kosovë.

Marrëveshja përfshin gjithashtu edhe bashkëpunimin mes gazetarisë profesioniste të Klan Kosovës me studiuesit mediatikë të Kolegjit AAB si dhe praktikës profesionale të studentëve të AAB-së në Klan Kosova.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19