Kolegji AAB i vetmi pjesëmarrës nga të gjitha universitetet shqiptare në Shkollën Verore Ndërkombëtare në Grac të Austrisë

9 Korrik 2021

Dy studente të Fakultetit të Gjuhës Angleze në Kolegjin AAB, Fatjona Kuçi dhe Edita Maraj, janë të vetmet pjesëmarrëse nga të gjitha universitetet shqiptare që po ndjekin Shkollën Verore Ndërkombëtare GUSEGG 2021, që organizohet nga Universiteti i Gracit në Austri.

Këtë shkollë verore që është themeluar nga viti 2014, e kanë ndjekur mijëra studentë nga universitete anekënd botës, ndërsa këtë vit për shkak të situatës pandemike, shkolla është organizuar në formatin hibrid.

Programi i sivjetmë i Shkollës Verore GUSEGG 2021, e cila mbahet në Kështjellën Seggau në Grac, do të zgjasë deri me 10 korrik. Në program janë përfshirë ligjërata, seminare indviduale, diskutime dhe mundësi rrjetëzimi me ligjërues dhe studentë ndërkombëtarë, zhvillim të shkathtësive të të folurit publik, akademik dhe shkrimit kreativ. Po ashtu, studentët do të kenë mundësi të botojnë punimet e tyre në revistën Off Campus: Seggau School of Thought.

Fatjona dhe Edita, të cilat po marrin pjesë në këtë aktivitet akademik janë studentë të dalluara në Fakultetin e Gjuhës Angleze, dhe ndekin studimet në kampusin e Gjakovës në AAB.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19