Në Kolegjin AAB filloi viti akademik 2021/22

18 Tetor 2021

Me në një ceremoni solemne të organizuar për pritjen e studentëve të rinj, në Kolegjin AAB sot zyrtarisht filloi viti akademik 2021/22.

Në pritjen e studentëve të rinj morën pjesë rektori i Kolegjit AAB, prof.dr.Bujar Demjaha me prorektorët dhe dekanët e fakulteteve që operojnë në kuadër të Kolegjit AAB.

Me këtë rast, rektori i Kolegjit AAB, Bujar Demjaha duke iu dëshiruar mirëseardhje studentëve të rinj, u uroi atyre suksese në studime. “Është një moment vendimtar në jetë, kur njeriu vendos kah dëshiron ta orientojë karrierën e tij të studimeve dhe në parim e përcakton se kah do të shkojë dhe me çfarë do të merret në jetën e tij.

Andaj është kënaqësi që këto momente po i ndajmë sot së bashku, dhe duke e ditur se AAB është pikënisje e suksesit për të ardhmen”, tha rektori Demjaha.

Ai përkujtoi studentët që të vazhdojnë të kenë kujdes nga pandemia Covid-19 dhe kërkoi nga ta që të respektojnë masat në fuqi për mbrojtje nga infektimi, ndërsa tha se i gjithë stafi i Kolegjit AAB do të jetë në shërbim të studentëve sa herë të kenë nevojë.

Nga ana tjetër, prorektori për çështje akademike, prof.dr. Shemsedin Vehapi, në fjalën e tij mirëseardhëse për studentët e rinj, u tha atyre se kanë bërë zgjedhjen e duhur duke vendosur që të bëhen pjesë e Kolegjit AAB për rrugëtimin e tyre akademik.“

Ju jeni treguar të mençur në përzgjedhjen tuaj, sepse në AAB nuk është më e mira vetëm ajo që duket.

Krahas një infrastrukture bashkëkohore ne kemi përzgjedhur profesorët më të mirë për ju dhe kemi krijuar kushtet ideale, e kjo nënkupton respektimin e orarit, mundësitë për shfrytëzimin e bibliotekave, laboratorëve dhe jetës sociale e kulturore që e ofron AAB për të gjithë”, tha Vehapi.

Prorektori Vehapi kërkoi nga studentët e rinj, të jenë sa më aktiv, sa më kërkues, të mos heshtin dhe të sjellin ide të reja. “Fuqia juaj është shumë e madhe. Me zërin tuaj ju e ndihmoni veten por edhe zhvillimin e institucionit, andaj bëhuni sa më proaktiv”, kërkoi ai.

Në këtë ceremoni solemne, studentëve të rinj iu drejtua edhe kryetarja e Unionit të Studentëve të Kolegjit AAB, Gentiana Uruçi e cila u tha atyre se US do të jetë gjithmonë përkrah kërkesave të tyre dhe kërkoi nga ta të jenë sa më bashkëpunues.

Viti akademik 2021/22 për studimet baçelor sot filloi edhe në dy degët e Kolegjit AAB në Ferizaj e Gjakovë, ndërsa risia e këtij viti janë edhe programet e reja studimore që janë akredituar në këto degë.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19